Moeche é un concello da provincia da Coruña, que pertence á comarca de Ferrol.

É unha terra distinguida polos pequenos outeiros e vales, por onde discorre un tramo do río grande de Xuvia e o río das Ferreiras.

Ten un clima oceánico con temperturas suaves que fan deste paraxe un lugar ideal.

Forma parte do espazo natural de grande interese ecolóxico Xuvia-Castro, que conta coa denominación de lugar de importancia comunitaria.

Ademáis do fabuloso e restaurado castelo con foso, cabe destacar o casal de Tuiril ou o pazo de Rañal, no que viviron os antepasados de Concepción Arenal e de Emilia Pardo Bazán.

No outono celébrase a feira das fabas, e na segunda quincena de agosto, celébrase o recoñecido festival irmandiño, de música celta, representacións teatráis e o famoso asalto ó castelo á medianoite.